【搞事世界盃】

以前喺香港都無訂收費電視，要睇世界盃就要睇吓無綫...

【搞事世界盃】

以前喺香港都無訂收費電視，要睇世界盃就要睇吓無綫有無得播，一係就上網摷再電腦駁電視。而嚟咗瑞典咁耐一路都無買電視，雖然學生宿舍都有部牛龜電視喺公用廚房，但吓吓都要出房走成條大走廊出廚房係無咁爽嘅。

幾個月前終於買咗部電視，梗係要好好享受免費兼無時差嘅世界盃啦，場場都睇晒咁濟。上個星期買外賣返企，食住漢堡飲啤酒，舒舒服服睇葡萄牙對摩洛哥。Sa 望一望枱頭用嚟點薯條支茄汁，就同我講「佢哋咁似支茄汁嘅」。我望一望支茄汁，再睇返隊摩洛哥⋯⋯餘下成場波都係見到茄汁嘅蹤影，揮之不去！

---